នៅថ្ងៃអង្គារនេះ ភូមាបានផ្តើមកាន់ទុក្ខជាតិ រយៈពេលមួយសប្តាហ៍ ដោយពិធីស្មឹងស្មាតមួយនាទី ដើម្បីគោរពដល់វិញ្ញាណក្ខន្ធជនរងគ្រោះបាត់បង់ជីវិតក្នុងគ្រោះរញ្ជួយដី ដែលបានឡើងដល់ជាងពីរពាន់៧រយនាក់។ បួនថ្ងៃក្រោយមហន្តរាយរញ្ជួយដី ដែលត្របាក់បំផ្លាញអគារនិងហេដ្ឋារចនាសម្ព័ន្ធផ្លូវថ្នល់ស្ទើរគ្មានសល់ ក្តីសង្ឃឹមស្វែងរកជននៅមានជីវិតក្នុងគំនរបាក់បែក កាន់តែស្តួចទៅៗ។
